പള്ളിയറശ്രീധരൻ

മലയാളത്തിൽ ഒരു ഗണിതശാസ്ത്രസാഹിത്യശാഖ പരിപോഷിപ്പിക്കുക എന്ന നിർണ്ണായകമായ പ്രവർത്തനങ്ങളിൽ ഏർപ്പെട്ടുകൊണ്ടിരിക്കുന്ന പള്ളിയറ ശ്രീധരൻ ഏതാനും കണക്ക്‌ പുസ്തകങ്ങൾ മാത്രമല്ല ,മറിച്ച്‌ വളരെ വിരസമായി അനുഭവപ്പെടുന്ന, അതേ സമയം ഏററവും പ്രധാനപ്പെട്ടതുമായ ഗണിതശാസ്ത്രത്തെ പൊതുജനങ്ങൾക്കും, പ്രത്യേകിച്ച് കുട്ടികൾക്കും രസകരമായ ഒരു വിഷയമാക്കി മാറ്റാൻ ശ്രമിച്ചുകൊണ്ടിരിക്കുകയാണ് . റഫറൻസ്‌, കഥ , കവിത, നാടകം , ജീവചരിത്രം , സാങ്കേതികശാസ്ത്രം, വിജ്ഞാനകോശം, നിഘണ്ടു. ആത്മകഥ തുടങ്ങിയ വിവിധ സാഹിത്യവിഭാഗങ്ങളിൽ ഗ്രന്ഥങ്ങൾ രചിച്ചിട്ടുണ്ട്‌. മലയാളത്തിൽ ആകെ രചിക്കപ്പെട്ട ഗണിതഗ്രന്ഥങ്ങളിൽ ഭൂരിഭാഗവും പളളിയറയുടെ സംഭാവനയാണ്‌.

മററു പ്രവർത്തനങ്ങൾ

സംസ്ഥാന ബാലസാഹിത്യഇൻസ്‌ററിററ്യൂട്ട്‌ പുറത്തിറക്കുന്ന കുട്ടികൾക്കുള്ള മാസികയായ തളിരിന്റെ പത്രാധിപരാണ്. വിദ്യാഭ്യാസവകുപ്പിന്റെ കീഴിൽ പ്രവർത്തിക്കുന്ന സംസ്ഥാനഗണിതശാസ്ത്ര അസോസിയേഷൻ ജനറൽ സിക്രട്ടറിയായി പ്രവർത്തിച്ചിരുന്നു. കേരളത്തിൽ ഏററവും കൂടുതൽ കാലം ജില്ലാ ഗണിതശാസ്ത്രഅസോസിയേഷൻ സെക്രട്ടറി ആയി പ്രവർത്തിച്ചിട്ടുണ്ട്‌.